Chapter 5
Time skip by 10 days ~
Mahal me koi khas Hulchul nahin Hai Jaise koi avashyak karya Ho…Keval Ek Insan Mahal mein kafi Bechain najar a raha hai vah hai Khud Rajmata… aakhir kyon Na Ho vah Apne bete ke liye Ek Naya rishta khojne ja rahi hain jiske liye Ve apne aap ko abhi tak mansik taur per taiyar nahin kar Pai thi kintu aaj vo samay a gaya hai jab unhen Khud apni aankhon Se use stri ka avlokan Karna Hai jise Ve Apne Putra ke liye chunne ja rahi hai…
Sevak - Rajmata Sara Shagun taiyar hai..
Maasa - kitne baje tak aa jaenge vah Apne Ghar?
Sevak -Rajmata vah agale 1 ghante mein Apne Ghar pahunch jaenge..
Maasa – Hum bhi 1 ghante bad yahan se humari car se nikalenge…
Dusri taraf ~
Stuti jo ki Apne karya se laut kar kafi khush hai Apne Ghar Ki or ja rahi hai is khabar se Anjan Ki Koi intezar unke liye Kai Dinon Se chal raha hai Ek aisi shatranj ki chaal Jo unki jindagi ko purn Roop se Badal degi…
Stuti - antatah Ham Ghar pahunch gaye..
Ghar mein Pravesh karte hain sabse pahle apna munh dho kar vah Apne karya mein lag jaate Hain Apne छोटे-छोटे paudhon Ko dekhna, unhen Pani dena, Apne Ghar ke angan mein thodi der tahal kar Jaise hi vah Apne Ghar ke andar dobara Pravesh Karti hai unhen piche se aate hue Raj Mahal ke kuchh Sevak dikhai dete Hain…
Stuti itne sare sevakon Ko dekhkar bhaybhit Ho jaati Hai jaise ki usne Koi apradh kiya ho…. Vah adarpurvak kuchh puchna hi jaati Hai tabhi…
Rajmata ko sabhi ke bich se aate hue dekh leti Hai…. Jo ki usi ke pass a rahi thi yah dekh Kar Stuti thoda sa ghabrati hai per Khud Ko thoda sambhal kar Rajmata ke aage jhuk kar unke pair chhu leti Hain..
Maasa – khush rahiye…hamen andar nahin bulaengi?
Stuti (jiske Sanson Ki dhvni unke kanon Tak pahunch rahi thi) - maaf kijiyega Rajmata aap padhaariye hamare is chhote se ghar per..
Maasa – (sare sevko se kehti hai) hamare Sath bhitar Koi nahin aaega aap log yahi vishram ki se..
Sevak – kintu raaj maata…
Maasa apna Keval Ek hath aage karke unke samne vahi rukne ka Ishara karti hai jisse aap sabhi log chupchap vahi khade ho jaate Hain aur Rajmata unke sath ghar mein Pravesh Karti Hain..
Stuti – unhen Apne Ghar Ke sofe per baithane ke liye kehti hai..
Maasa - kafi khubsurat Ghar Hai aapka bahut Saj Sajja se rakhti hain aap inhen…
Stuti - Rajmata Ek yahi to hamare माता-पिता ki aakhiri nishani hai…. Ham ise jitna ho sake utna se sambhal kar rakhte Hain…
Maasa - Ham samajhte Hain…
Stuti (unke liye ek tray me paani or kuchh nashta lekar aati Hai) - Rajmata agar aap uchit samjhe To Ham aapke liye yah lekar Aaye Hain agar aap inhen grahan karengi to hamen achcha lagega…
Maasa (plate mein Rakha hua Saman lekar thoda sa kha leti hai) - yah lijiye humne mithaai To kha Li.. kintu Abhi To humne aapko hamara uddeshy hi nahin bataya ki Ham kis liye Aaye Hain…
Stuti - aap Rajmata hai jarur Kisi Vishesh karya ke liye Aap yahan Aayi hai.. agar Ham aapki koi madad kar sake To Ham apne aap ko gauravanvit mahsus karenge…
Maasa - Jo karya ke liye Ham aaye hain aur Ham aapse karne ke liye kahenge kya vah aap kar payengi?
Stuti - yadi vah karya hamare Vash mein Hai To Ham use avashya karenge kintu hume maaf kijiega Rajmata Hum ye bhi aasha karenge uska Har se hamari maryada per Koi lanchan Na Lage….. aur yadi aisa hota hai To Ham Aisa Koi karya nahin karenge…
Stuti ke munh se yah Shabd sunkar Jahan Kisi bhi Anya stri ko ya Raj Parivar ke Anya sadasya ko krodhit hona chahie vahi Rajmata unke is vachan ko sunkar andar Se prasann Ho jaati Hain…unhen yah acchi tarah samajh a jata hai Ki vah Kisi bhi karya ko unki maryada Ke viruddh jakar nahin karenge aur yahi Ek Chhatrani ka asal Dharm hai…
Maasa - prasannta Hui hamen yah jaankar ki aap apne vachanon ke liye aur apne karyon ke liye pratibaddh hai kintu apni Garima aur Maryada ka bhi aapko uchit Aur mahatvpurn aabhas Hai…
Stuti – (Muskura kar han main sar hila deti Hai)
Maasa – (thoda serious face banaa leti hai or Stuti se kahati hai) Ham jyada baton Ko ghumana nahin chahte Ham sidhe taur per aapke liye ek prastav lekar aaye hai…
Stuti – (yah baat sunkar uski bhauhai chadh jaati Hai) kis prakar ka prastav rajmata?
Maasa – (serious mood mein kehti hai) aap is baat se to bhali Bhanti parichit hongi ki Gaud rajya ka rajmahak pichle Ek dashak se Apne aane Wale vansh kilkari sunane ke liye Taras raha hai…
Stuti - ji Rajmata Ham avgat Hai is baat se aur Keval Raj Mahal hi nahin pura rajya is baat ke liye Kai varshon Se Pratiksha kar raha hai.
Maasa - usi sandrbh mein Ham aapke liye ek prastav lekar Aaye Hain..
Stuti (thoda soch mein pad jaati Hai aur puchti hai) kesa prastav Rajmata Ham kuchh samjhe nahin?
Maasa – (thoda ruk kar thoda shant Man se kahane ki koshish Karti hai) hum aapke liye Vivah ka prastav laye hai..
Stuti – (Jo Rajmata ki taraf achambhe se dekhti hai) hamara Vivah? Kisse? Or Kyo Rajmata ? ham to pahle Se Hi Kisi Aur se Prem karte Hain….
Maasa –( stuti ki taraf se piche ki taraf munh karke khadi Ho jaati Hai aur kahati hai) Ham Apne Putra is rajya Ke Raja Suryabhan Singh se Vivah ka prastav aapke samne laye hai….
Yah baat sunkar Stuti pairon se Mano Jaise jameen khisak jaati Hai ….. agale 5 minut ke liye pure kamre mein sannata chha jata Hai…stuti ko Jaise kuchh samajh hi nahin aaya Hai ki abhi kya hua hai….
Maasa thodi himmat karke dobara Stuti ki taraf apna munh karke puchti hai..
Maasa - Ham aapka jawab sunna chahte Hain beta.. aap kya sochati hai?
Stuti – (jo yah baat sunkar itna ghabra chuki thi ki uske dimag mein Keval Rajmata ke kahe Shabd chal rahe the)
Maasa - Ham jante Hain.. aap kya soch rahi hain aapke man mein Kai sare sawal Hain jismein se sabse khas sawal aapke man mein yahi hongi ki humne aapko kyon chuna Kisi Anya rajya ki Rajkumari ko kyon nahin aur dusra sawal aapke man mein yah hoga Ki jab aap Kisi Aur se Prem karke Vivah karne wali hai To Ham aapke pass kyon Aaye Hain…
Stuti –(kuchh nahin kahati Keval apni aankhon se sahmati deti hai)
Maasa - Ham aapko iska bhi jawab dete Hain…
Sabse pahle hamare Putra suryabhan bahut hi kathinai se Vivah ke liye sahmat hue hain per unhen Ek aisi stri se Vivah karna hai jo sadharan ho per unke Man mein Koi khot Na Ho vo Kisi Rajkumari se Vivah nahin karna chahte taki Kisi Ko yah Na Lage ki yah rishta Kisi rajniti Se Dil juda hai…
Aur aapke dusri baat ka jawab yah hai ki jab humne pahli bar aapko dekha tha tabhi hamare man mein aapke liye ek alag hi prakar ki Anubhuti hui thi per uske bad mein bhi humne aapke bare mein pata karne ki koshish ki sath mein jab Ham Aaj yahan Aaye Hain To aapane To Jara apne bare mein ek baat Rakhi Jahan aap apni Man Aur Maryada Se kabhi Sauda nahin karenge yah baat hamen bahut khoob lagti Ho… aur aap iske sath hi aisi pahli mahila Hain jinhen Raja sa ne apni patni ke alava chhua hai bhale hi vah sirf aapko use waqt musibat se bachane ke liye thaa…
Stuti (abhi bhi kuchh nahin kahate Hain)
Maasa -Ham acche se jante hain aap abhi bhi kya soch rahe hain aap Kisi Aur se Prem karte hain isiliye ham Ek Aur prastav lekar Aaye Hain..
Ham … hum…aapse yah Vivah pure jivan ke liye nibhaane Ko nahin kahenge
Stuti (yah sunkar Jaise usse kuchh samajh hi nahin aata per vah kuchh poochhne ki himmat bhi nahin kar paati)
Maasa – hum sirf itna kahana chahte Hain ki hamare do prastaav aur hai ..
Hamara pahla prastaav hai ki aapko yah Vivah Keval kab Tak nibhaanaa Hai jab tak hamare rajya ko uska uttradhikari nahin Mil jata…. Uske paaschaat aap jab tak chahe Mahal mein rah sakti hun kam se kam tab tak jab tak hamare uttradhikari ko unki jivandayini Mata ki avashyakta hai… jis din aap yah ghoshna kar denge ki aap rajmahal chhodana chahti hai aapki Mahal se jaane ke 15 Divas ke bheetar aapka aur Raja Sa ka vivah raddh hojayga …. aur ham yah prastav aapke Prem Ko Dhyan mein rakhte hue rakh rahe hain jab aapka Vivah Raja Saa se raddh ho jayga , aap ek nav Vivah kar sakti hai… [ Rajmata ka yah vichar khas taur per gaytri ko sochkar Kiya hua tha kyunki vah nahin chahti thi ki gaytri ko unki jagah khoni pade]
Stuti (yah sunkar uska dimag soch mein pad jata Hai Ki aakhir Rajmata usse kya chahti hai)
Maasa - aur hamara dusra prastav yeh hai ki , Ham is karya Ke badle aapko 50 crore rupaye , hamari taraf se dhanyvad ke roop mein denge. Yeh aapke sharir ka koi Sauda nahin per is baat ka ashvasan karna hai ki Mahal se jaane ke bad bhi aap Kisi prakar se apne jivan yapan mein Koi badha ka Samna na Karen…
Stuti (yah sab sunkar uska man Dard Se Bhar jata Hai uski aankhon mein Ek alag hi chamak a jaate Hain Rajmata ke shabd Jaise teer Ki tarah use chubhte Hain aur itni der bad vah sirf ek baat kahati hai) Rajmata Hum aapke aabhari Hain Ki aapane hamen is layak samjha…kintu hum Aisa Koi karya nahin kar sakte…
Maasa (yah sunkar unki ummidon ko ek jhataka Sa lagta hai) beta kya yah rajya aapka nahin Hai? Har Insan Jo rajya mein rahata hai vah Apne rajya Ke liye Har vah karya karne ki koshish Karta Hai jisse rajya sukhi rah sake… Ham aapko Kisi prakar ka aadesh dene nahin bus aapse ek vinati karne Aaye Hain (yah kahkar Rajmata hath jod leti hai)
Stuti – (yah dekh kar jaldi se unka hath pakad leti Hai) yah karke aap hamen sharminda mat kijiye Rajmata Ham yah nahin kar sakte hamare Premi ko Ham Kya jawab denge vah hamen kyon apnaenge is sab ke bad? Hum Ham yah nahin kar…..
Vo itna hi kahati hai ki piche se ek awaaz aati Hai -
“hamen Rajmata ka yah prastav manjur hai………”
Yah awaaz Aur Kisi Ki nahin balki Vidit ki hi thi.. Vidit ke munh se yah sunkar Stuti use ashcharya Se dekhne lagti Hai..
Vidit – (Stuti ke pass Aakar kahta Hai) aap isiliye ghabra rahi hai na ki Ham aapke bare mein kya sochege? Hum aapke bare mein kuchh galat nahin sochenge hamen manjur hai Rajmata ka yeh prastaav..
Vidit to Rajmata – pranaam … hamen aapka prastav manjur hai … hamen aapka Diya hua Arthik laabh aur Maharaj ke sath Vivah radd hone ke donon prastav bhi manjur hai…
Rajmata (jinhe Khush hona chahie Vidit ki taraf ashcharya se dekhne lagti Hai)
Vidit aage kuchh kahane jata Hai isase pahle hi…
Stuti – (Jo Ab Tak chup Thi Achanak aakroshit hokar gusse mein vidit se kahati hai) Aap hote Kaun Hain is prastav ko swikar karne Wale??
Vidit –(Jo uski awaaz sunkar ashcharya chakit tha usse kahta hai) hum…Hum aapke hone wale Pati Hain Ham…. Ham bhi to prastav ko swikar kar sakte hain…
Stuti – (jiska gussa ye baat sunkar aur badh jata hai) aap Pati hai nahin Pati banne Wale Hain aur Pati ho bhi to iska Arth yah nahin Hai hamare jivan ke itne avashyakta isliye hamare sahmati aur hamare vichar Ke Bina aap le le…
Vidit – (yah sab sunkar chup ho jata hai)
Dusri taraf Jahan Rajmata ko Vidit ke prastav ki sahmati sunkar Khush hona chahie tha unka Sara Dhyan vahan se hatkar Stuti ke aakrosh per Chala jata Hai jise dekhkar unhen man hi man Ek alag Se santushti mahsus Hoti Hai…
Stuti – (Masa ke aage hath jodkar kahati hai) Rajmata Ham aapki bhavnaon ki Katra karte Hain kintu Ham Kisi bhi prakar ka nirnay lene ke liye abhi saksham nahin Hai…
Maasa – (usse pyar Se sar per hath Rakh kar kahati hai) Ham aapke jawab ki Pratiksha karenge… aapko jitna samay sochne mein lena hai aap le sakti hain.. Ham 5 Divas pashchaat aapke pass hamara sevak bhejege jiske sath aap patr me hume aapka jawab sidhe Mahal pahucha sakti hai… hum intzar karege aapke patra ka.. khamma ghani…
Stuti – ji ghani khamma…
Stuti jo kabhi vidit ke sath hote hue akele kamre me uske sath kamre ko band karke koi bat nahi karti thi.. Maasa ke jaate hi pehli bar vidit ke andar hote hue bhi kamre ko andar se band kar leti hai …
Kyo kiya hai Stuti ne kamre ko band? Kya hoga aage jab ye bat raja sa ko pata chlaegi? Ky
a maan jaygi stuti maasa ke prastaav ko? Janne k liy follow for chapter 6..
Write a comment ...