Vidit or Stuti Ghar aa jate hai Stuti Bina kuchh bole Apne Ghar Chali jaati hai aur Vidit vahan se Apne Ghar Laut jata hai
Next day :-
Vidit Stuti ke ghar usse milane aata Hai Aur subah 6:00 baje darvaje per knock karta hai
Vidit - Stuti darvaja kholiye.
Stuti – haa aayi..
Vidit (Jaise hi andar jata Hai Stuti ko packing karte hue dekhta hai) - kahan ja rahi hai aap?
Stuti – hum.. hum vo. Hum vidarbh jarhe hai.
Vidit - per aap to 2 din pahle hi vidarbh se lauti ho?
Stuti – haan to main mein sirf avkash per aai thi. Ab mujhe wapas jaana hoga Apne karya ke liye.
Vidit – per ab apko kam karne ki kya jarurat hai? Main Hun To sara kam sambhalne ke liye..
Stuti - aap hain per Ham apna karya swayam karna chahte hain..
Vidit - aap ek stri Hain jaldi hi hamara Vivah hone wala hai kab tak aap karya sambhalengi? Vaise bhi hamara karobar hai aap kyon fikra Karti Hain?
Stuti - Ham is bare mein dobara bahas nahin karna chahte humne aapse pahle bhi kaha tha ki Ham hamara karya hamesha karenge Ham yah karya apni pasand Se karte Hain..
Vidit -achcha Baba theek hai, per aap vahan kam kya karti hai aur wapas kab aayegi?
Stuti – hum vo.. hum vha ki Mahal mein dasi hai.. Ham agale 15 din bad wapas aaenge 2 Dinon ke liye.
Vidit – daasi?? Per yah karya to Aap yahan rah kar yahan ke Mahal mein bhi kar sakti hain iske liye aapko vidarbh jaane ki kya jarurat hai?
Stuti - hamare pita vidarbh rajya mein subedar rah chuke hain unka judav vahan se kafi jyada tha isiliye Ham shuru Se vahi rahte hain aur karya karte hain hamen vahan se ghar jaisa lagao hai isiliye ham vahi jayege…
Vidit - achcha theek hai aap kahen To Ham aapko chhod den?
Stuti - nahin Darbar Se hamare liye car a rahi hai Ham chale jaenge.. aap bataiye aapka karobar kaisa chal raha hai?
Vidit – hamara karobar theek chal raha hai per aapane abhi kaha car?? Aapke liye car kyon a rahi hai? Aapane to kaha aap vahan dasi hai dasi ko Apne car mein Lene Kaun aata Hai?
Stuti – vo… vo sari dasiyan Ek sath kam se avkash per Gai thi isiliye sabko Lene Ek Sath a rahi hai car. Vo jese nagron mein bus aati hai na chhote bacchon ko Apne Vidyalay lene ke liye theek usi tarah.. hamen vilamb ho raha hai Ham chalte Hain..
Vidit - theek hai Ham bhi chalte Hain.
Yah kah kar Vidit vahan se nikal jata hai aur thodi der mein Stuti bhi car mein baithkar vidarbh Chali jaati Hai..
Dusri taraf…
Maasa - Aaj To Ham Suryabhan se baat karke hi Rahege. Agar humne jyada der ki to Ham yah baat unse nahin kah payenge .
Yah soch kar dasi ko awaaz lagakar kahati Hain Raja Sahab ko hamare pass bulaiye..
Thodi der mein suryabhan maasa ke kaksh main a jata Hai or kehta hai
Raja sa – pranaam masa…
Maasa – jug jug jeeye aap..
Raja sa - aapane hamen Bulaya?
Maasa - ji hamen aapse bahut hi avashyak baat karni hai Ham Kai Dinon se baat aapse karne ki koshish kar rahe hain kintu Ham kah nahin Pa rahe hain kya aap hamen Vachan denge Jo Ham aapse mangenge vah Aap hamare liye karenge?
Raja sa – maasa aapane hi hamen sikh di hai ke samne chahe Jo Ho chahe vah aapki Khud ki Mata hi kyon Na Ho jab tak aapko Kisi karya ka vishay pata Na Ho use per aankh band karke Kisi tarah ka ashvasan dena murkhta hai..
Maasa - theek hai Ham aapse Kisi tarah ka Vachan nahin mang rahe hain kintu hamen yah jarur pata hai ki aap hamari baat nahin talege..
Raja sa - kintu aakhir baat kya hai? Aap nishchint hokar hamen bataiye..
Maasa - Ham chahte Hain Ki… Ham chahte Hain Ki…
Raja sa – ki.. maasa?
Maasa –(apna Dil kathor karke kahati hai) Ham chahte Hain Ki….. Ham is rajya mein hamare kul ko aage badhta hua dekhna chahte Hain isliye Ham chahte Hain ki aap ek dusra Vivah kar le…
Kuchh palon ke liye Koi re kamre Me Keval ek hi awaaz sunai deti hai dusri shadi…raja sa ekadam chup khade ho jaate Hain Bina kuchh kahe vahan se jaane ko hote Hain Ki maasa unhen rok kar puchti hai..
Maasa - hamen jawab chahie aapse..
Raja sa - yah asambhav hai..
Maasa - aapko ise sambhav karna hoga
Raja sa - Ham yah nahin kar sakte Ham gaytri Ko kabhi Dhokha nahin de sakte Ham yah bilkul nahin karenge Keval Ek Putra prapti ke liye Ham is tarah ka anarth nahin kar sakte…
Maasa - yah Dhokha nahin aapki jimmedari hai aap Raja hai aur is rajya ko ek uttradhikari ki avashyakta hai..
Raja sa - Ham yah sab acchi tarah Se jante Hain per iska Arth yah nahin hai ki iske liye ham hamari patni Aur hamare jivan mein aane wali Kisi bhi Anya stri ke sath mein anyay Karen..
Yah kahkar vah vahan se tufan Ki tarah gusse mein chale jaate Hain.. maasa ki 5-6 awaaz ke bad bhi vah nahin rukte hain aur gaytri ke pass chale jaate Hain..
Gayatri – aap thik hai? Kya hua aapko aap itne Krodh mein kyon lag rahe hain? Aaiye hum aapka sar sehla dete hai..
Raja sa - aapko pata Hai humse Maasa Ne Kya kaha?
Gayatri – kya kaha maasa na (uski Aankhen chamak uthati hai)
Raja sa - vah humse… vah Hamse dusra Vivah karne ke liye kah rahi hain.
Gayatri - aur aapane kya kaha?
Raja sa - Ham aapko Dhokha thodi de sakte hain humne To sidhe mana kar diya aur ham esa kuchh nahin karenge..
yah kahkar gaytri Ki God mein let jata hai aur gaytri uska sar sahlane lagti Hain….
Raja sa - aap fikra mat kijiye Ham aapke sath kabhi galat nahin hone denge..
Gayatri - ………..
Raja sa - Ham acchi tarah Se jante hain aap humse bahut Prem Karti Hain aur ham aapka Vishwas kabhi nahin todenge Ham Kisi Aur se Vivah ya Prem nahin karenge
Gayatri - …………
Raja sa - aap uthiye… dekhiae Ham aapke liye kya lekar Aaye Hain..
Itna kahkar uska hath pakad kar almira ke pass Le jaate Hain.
Raja sa – (unke hath mein khubsurat Sa poshak dekar kahate Hain) yah dekhiae humne khas aapke liye banvaya hai…kaisa hai?
Gayatri - .............
Raja sa - are aap kyon pareshan ho rahe hain? Hamari Khushi sirf aapse hai aur ham aapke sath khush hai …
Ye sunte hi foot foot kar Rone lagti hai aur Raja Sa ke pairon mein girkar Apne aansu bahane lagti Hai….
Raja sa – Gayatri … gayatri uthiye aap yah kya kar rahi h?? Humne kaha na hamari Khushi Keval aapse hai?
Gayatri - aur hamari Khushi ka kya? Kahiye…
Raja sa - Ham aapka Arth nahin samjhe…
Gayatri - aap kaise samjhenge…yah Dard to Keval vo stri hi samajh sakte hain Jo kabhi Maa banne ka Sukh na pa sake…Ham bhi chahte Hain hamari God mein aapka balak ho , use Ham Apne hathon se nehlaye , taiyar Karen…
Raja sa - iska Arth kya aap bhi vahi?....
Gayatri – (Apne dil per Ek Bhari pathar rakhkar kahati hai ) haan Ham yahi chahte Hain ki aap dusra Vivah kar le.. kam se kam.. kam se kam Koi hamen Maa na Sahi kintu Badi maa to kahega…(yah kah kar dobara uski aankhon mein aansu a jaate Hain)
Raja sa - aap hosh mein To Hain? Aap yah kya kah rahi hain? Ham esa kabhi nahin kar sakte..
Gayatri - kyon nahin kar sakte? Ham Janna chahte Hain Raja kitne hi Vivah karte hain hamare yahan aapane humse apni wafadari Puri shiddat Se nibhai hai kintu Ham bhi chahte Hain Ki is rajya ko uska waris mile Ham sirf pati patni nahin is rajya ke raja aur rani bhi hai jiska yah kartavya Aur jimmedari bhi hai..
Raja sa - Ham Ek Sath do striyon ki jindagi kharab nahin kar sakte…
Gayatri - kya kahana chahte hain aap?
Raja sa – yahi.. ki Ham aapse Prem karte hain aur Ham aapke jitna Prem Kisi Aur Ko kar nahin payenge.. aur ham kis liye Anya stri ko Keval uttradhikari ke liye nahin La sakte vah bhi Prem ke yogya Hain Ham unke Sath is tarah ka anyay nahin kar sakte agar Ham Raja hokar Aisa karenge to Praja humse kya Sikh legi?
Gayatri - Ham hamesha aapki sabse pahli patni hai.. kintu aapko yah bhi samajhna hoga Ki Ek Raja ka Dharm Apne rajya ko bachana bhi hota Hai…Rahi baat dusri Rani Se anyay ki To Ham kafi behtar tarike se aapko jante Hain jab aap Bahar Sabha mein kabhi kisi ke sath anyay nahin karte To Apne Ghar Ki striyon ke sath aap kabhi anyay nahin karenge..
Yah kahkar vah aur जोर-जोर se Rone lagti Hai…aapko aapko hamari saugandh hai.. aap hamari baat man lijiye..
Raja sa - yah humse nahin hoga aap samajhne ki koshish kijiye….
Gayatri - to theek hai Ham ro rokar Apne Pran tyag denge…
Raja sa ko ye baat Jaise Ek teer Ki tarah chubhti hai Aur vah gaytri Ko unki jagah se uthane lagte Hain..
Raja sa – Gayatri .. gayatri humari taraf dekhiye..
Gayatri – nahi dekhti hai..
Raja sa (yah dekh Kar andar Tak Tut jaate Hain) – kya ye .. yahi aapka antim faisla hai?
Gayatri – (aankhon mein aansu liye kahati Hai) – haa 🥺
Raja sa (Bhari man tutati Hui awaaz aur Dil dahlaan Dene Wale Dard Se kahate Hain) - hamen aapki yah ichcha manjur hai… Aap jaisa kahenge Ham karenge kintu aap Rona band kijiye…
Gayatri – (yah sunkar use samajh hi nahin aata ki use Khush hona hai ya aur abhi dukh ke aur aansu bahane Hain) – haa hum chup hojayge… aap bus hamari baat man jaaiye…
Gayatri ko chup hota dekh kar , Raja sa unhe god me utha kar apne shaiyaa per le jaate hai or unhe Sula dete hai.
Raja sa (in mind) - bahut badi vastu mang li hai apne humse…. Rani saa hum…(aasu ke sath) hum kese krege ye 😠hum… humse nhi hoga kintu agar humne ye nhi kiya to .. to aap hume chhod kar chali jayegi… nahi nahi hum apko kahi nhi jaane dege hum … hum krege dusri shadi… hum kr lege dusri shadi….
Fut fut kar Rone lagta hai jaha Gayatri apni gehri nind me so chuki hu… kuch der bad gaytri Ko dekhkar kahta Hai (man m)-aap bahut bada tyag karne ja rahi hai aur ham usmein aapke Sath Hain Ham aapko kabhi Akela nahin chhodenge kintu is ghar mein kadam rakhne wali Jo Anya stri hongi unke Sath bhi Ham kabhi bhedbhav nahin hone denge…
Yah kahkar gaytri ke sar per Ek kis karke unke pass so jate hai..
kya lagta hai aapko kya hoga aage? Kaun hogi suryabhan Ki Dulhan aur kaise hoga Inka Vivah? Aur agar Dulhan Stuti Hai To Kya vah itni jaldi man jayegi janne ke liye wait for chapter 4..
Write a comment ...